Members

Username
Password
Remember Me

Shaam-e-Garibaan

Gunjti Shaam-e-Ghariban Main Yeh Zainab Ki Sada

Published: Jan 6, 2010 by admin Filed under: Shaam-e-Garibaan

Gunjti shaam-e-ghariban main yeh Zainab ki sada mera koyi na raha.

Na rahai bhai na betay chin gayi meri rida mera koyi na raha.

1)  Aasarai jis kai behan chor kai aayee thi watan
     Merai pardai ka jisai maan’ nai banaya daman
     Labai derya merai Ghazi kai huwai bazu juad mera koyi na raha.

2)  Woh jo athara baras noori hijabon’ main raha
     Lot kai aaun ga main jis na Sughra sai kaha
     Hy barchi sai kaleja merai Akbar ka chida mera koyi Nna raha.

3)  Mera Ghazi bhi gaiya Qasim-o-Akber bhi gayai
     Hur tha mehmaan bhi gaiya Ibne-e-Mazahir bhi gayai
     Kis ko ghurbat main sada dun kerbala yeh to bata mera koyi na raha.

4)  Maa nai maqtal main jisai dulha bana ker behjha
     Merai Qasim ka badan dasht main pamaal howa
     Baal kholai howai roti howi lashai pai kaha mera koyi na raha.

5)  Woh Sakina kai jisai piyaar tha baba sai bara
     Baad baba kai mili jis ko tamachon ki saza
     Dur jo zaalim nai utarai khoon aankhon sai baha mera koyi na raha.


Lutt Pay Gayi Khaimay Saar Dittay Roh Aakhay Awn Di Maa Ghazi

Published: Jan 6, 2010 by admin Filed under: Shaam-e-Garibaan

Lutt pay gayi khaimay saar dittay roh aakhay Awn di maa Ghazi.

Mere sir da burka logan ne liya naiziyan naal laha Ghazi.
 
1)  Afsos ke kalma gho meri azmat nun na pehchan sakay
     Meri azmat layi rukh phair gayi balday khaima di bha Ghazi.
 
2)  Akbar di moth de sadmay non rab janda eh seh gaiyan
     Qandyara tok muhari da gaya jiyondia maar muka Ghazi.
 
3)  Darbar di paishi da sun kay Sajaad ne ghash nun malya hai
     Eh soch ke digda har wari Kithay Zainab Shaam nun ja Ghazi.
 
4)  Masoom Sakina day ghesu tay ungla Shimaar layeen diyan
     Bedard Shimaar diyan ungla tun beqas de waal chura Ghazi.
 
5)  Jis wailay mera chan veeran mere sir di chadaar le gayi hai
     Mere sir di chadar ban gayi hai, Karbal di khaak-e-shifa Ghazi.


Ye Sham-e-Gariban Hai Dariya Ki Rawani Hai

Published: Jan 6, 2010 by admin Filed under: Shaam-e-Garibaan

Ye sham-e-gariban hai, dariya ki rawani hai.

Pyase na rahe baki (x2) phir kisliye paani hai.

1)  Asghar tere lashe ko maa ban ke zamin rakhe (x2)
     Ujri huwi goudi ki (x2)
     Masum nishani hai.

2)  Khoon kaise rukay logo Akbar ka jawani mai (x2)
     Ai khoon naya lekin (x2)
     Barchi to purani hai.

3)  Malum na tha Sheh ko khud apne hi hathose (x2)
     Shabbar ki nishani bhi (x2)
     Maati me milani hai.

4)  Shabbir ko khanjar se zyaad aa ye aziyat hai  (x2)
     Taklif jo zindan me (x2)
     Bachi ko uthani hai.

5)  Zainab ne kaha thero me dasht me aati hu (x2)
     Bhaya tume Akbar ki (x2)
     Ab laash uthani hai.

6)  Har ghaam ko bhula denge har yaad mitadenge (x2)
     Zahra tere bacho ki (x2)
     Bas yaad manani hai.


Ab Aaye Ho Baba

Published: Jan 6, 2010 by admin Filed under: Shaam-e-Garibaan

Ab aaye ho baba
Zainab ne kaha baap Ke khadmon say lipat kar
Ab aaye ho baba
Jab lut gaya pardes mein amma ka bhara ghar
Ab aaye ho baba (x2)
Zainab ne kaha baap ke khadmon say lipat kar
Ab Aaye Ho Baba (x2)

1)  Baba agar aana hi tha qaliq ki reza say us waqt na aaye
     Jab khaak pe dam torh raha tha mera Akbar (x2)
     Ab aaye ho baba.
  
2)  Jab farsh-e-zameen baam-e-falak larza fishaan thay
     Us waqt kaha thay (x2)
     Jab baap ke chullu mein tha khoon-e-Ali Asghar
     Ab aaye ho baba.
  
3)  Jab bhai ka saar kaat ta tha main dekh rahi thi
     Hazrath ko sada di  (x2)
     Sar kholay hue roti thi mai khaimein ke dar par
     Ab aaye ho baba.
  
4)  Jab log bacha le gaye lashay shohda kay
     Haq apna jata kay (x2)
     Bas ek tan-e-Shabbir tha pamal ki zad par
     Ab aaye ho baba.
      
5)  Jab Shaam ke qazaaq hamein loot rahay thay
     Khaimon ko jala kay (x2)
     Ab aagaye hotein to na chin ti meri chadar
     Ab aaye ho baba.

6)  Kya aapnay firdous say ye dekha na hoga
     Kya hashr bapa tha
     Jab pusht say beemar ki khaincha gaya bistar
     Ab aaye ho baba.
 
7)  Shahid ruq-e-Haider pe bhi bikhar jaatay thay aason
     Jab khol ke gesun (x2)
     Chillati thi Zainab mere baba meri chadar
     Ab aaye ho baba.


Ya Ali Ya Ayliya, Ya Bul-Hasan Ya Bu-Turab

Published: Jan 6, 2010 by admin Filed under: Shaam-e-Garibaan

Ya Ali Ya Ayliya, Ya Bul-Hassan Ya Bu-Turab

Bhai mera qatl huwa aayeie baba shitaab
Bul-Hassan Ya Bu-Turab,

1)  Lo phaayl gaya Shaam-e-Gharibaan ka andhera
     Asbaab luta jal gaya Sadaat ka khaima
     Bay gor-o-kafan ran mein hai Shabbir ka lasha
     Sab maray gaye dasht mein Zainab howi tanha
     Asghar-e-baysheer ko ronay lagi Umm-e-Rubab
     Bul-Hassan Ya Bu-Turab.

2)  Hy woh behan jiske ho athara biradar
     Aur baap bhi jis beti ka ho Fateh-e-Khaybar
     Narghae main lainoon kay woh mazloom khule saar
     Kaise na karay noha woh phir khak uraa kar
     Noha kuna khuld mein hain ruh-e-risalat mawab
     Bul-Hassan Ya Bu-Turab.

3)  Kat kay jo ghirray khak pay Abbas kay baazo
     Ruktay hi na thay hy Shabbir kay aansoo
     Mein khaimay mein routi thi woh routay thay lab-e-sou
     Matam hi tha, matam hi tha, matam hi tha har sou
     Kehtay thay Shabbir keh Ya Laytaa’ni kunto turaab
     Bul-Hassan Ya Bu-Turab.

4)  Akbar ka jigar ho gaya barchi say do paara
     Aur Asghar-e-masoom bhi mara gaya piyasa
     Tukdray howa maydaan mein naushah ka lasha
     Mara gaya woh shayr jo tha sab ka sahara
     Awn-o-Mohammad ka mila khak mein kaisa shabaab
     Bul-Hassan Ya Bu-Turab.

5)  Asghar kay laga teer mein roti rahi baba
     Maaray gaaye Shabbir mein roti rahi baba
     Hanstay rahay bay-peer mein roti rahi baba
     Shah pay chali shamsheer mein roti rahi baba
     Bul-Hassan Ya Bu-Turab.

6)  Maari gayi ek rouz mein saab fouj-e-Hussaini
     Har lahza musibat thi nayi hum nay jo daykhi
     Be munis-o-ghamkhwaar thay yawar na tha koi
     Tha asar ka hangaam keh awaz yeh gounji
     Mara gaya Haider ka pisar dasht mein be aab
     Bul-Hassan Ya Bu-Turab.

7)  Ab baali Sakina ku satatay hain sitamgar
     Kuch kar nahi sakti keh rasan basta hai madar
     Paband-e-salasil hai mera Abid-e-muztar
     Zainab kay kalayjay pe chale zulm kay khanjar
     Kya karoon baba mere mein deejeye kuch to jawaab
     Bul-Hassan Ya Bu-Turab.

8)  Rehan bohut ho chuki ab ashq fishani
     Zainab pe musibat ki yeh purdard kahani
     Sab Ahl-e-Aza sun chuke sarwar ki zabani
     Thamti hi nahi ankhoon say ashqoon ki rawaani
     Kaun sunay qissa-e-ghaam kis mein rahi itni taab
     Bul-Hassan Ya Bu-Turab.


Page 2 of 5